طريقة صنع الجبن فى البيت

[مصريه1980]

[align=center]السلام عليكم ورحمة الله تعالى وبركاته[/align]
اول موضوع ليا قلت انزل حاجه مفيده وسهله طرق عمل انواع الجبن المختلفه

اولاً الجبن القريش ( الجبنه الدلعه (العادمه ) خاااااااااااالص وده اصح الجبن

طريقتها سهلة جدا و كل كيلو لبن يعمل نص كيلو

نجيب كيلو لبن و نغطية من غير غلى و نسيبة فى الفرن بدون اشعالة
نحطة من الليل الى الصباح (عشان يبقى لبن راااااااااايب )
و فى الصبح نقلبة بمعلقة و نحطة فى قطعة شاش نعلقها و تحتة طبق
و نسيبة يتصفى من ساعتين الى تلاتة بالكتير اوى
و بعد كدة نحطة فى علبة و نرش علية ماية بسيطة اوى

الجبنة البيضاء
نسخن الحليب لمدة 3 دقائق فقط عشان اكتر من كدة ممكن يبوظ
و كل عشرة لتر لبن ياخد معلقة كبيرة منفحة عجل
المنفحة دية مادة موجودة عند الصيدليات او بائعى اللبن الحليب
و نقلب المنفحة تقليبة واحدة بالمعلقة و نسيب الحليب مدة نص ساعة اذا تماسكت معناة انها نجحت و نسيبها لمدة 3 ساعات
بعد كدة نصفيها و نسيبها تتصفى كويس جدا حوالى ساعة
و تحفظ فى علب

و لو عايزين الجبنة القريش او البيضا مالحة شوية نضيف شوية ملح حسب الرغبة

الجبنة الشيدر
كوبين لبن بودرة + كوب زيت ذرة + كوب ماء + صفار بيضتين + 2 مثلث جبنة + معلقة صغيرة ملح + عصرة صغيرة جدا ليمون
نضع الماء و الزيت فى الخلاط و نضيف بعد كدة صفار البيض
و الجبنة و الملح و الليمون
نضيف اللبن البودرة تدريجى حتى يجمد
يصب فى طبق بسمك 2 سم و يغطى بورق فويل و يترك فى التلاجة حتى يجمد


الجبن الرومى
لتران وربع من الحليب كامل الدسم.
نغلي الحليب جيدا ثم نتركه يصل إلى درجة 90.
نضع كوب زبادي بينما الحليب ما زال على النار مع التقليب بمضرب يدوي ونقلب دائريا أو عكس
عكاس،لمدة خمس دقائق.
نضع ربع ملعقة ملح في ربع كوب ماء مثلج ونقلب ويمكن وضع فلفل أسود.
نضعها في شاشة ونصفيها مع الضغط الخفيف وتترك 12 ساعة ثم نضغط عليها باليد على شكل
دائرة وتترك أربع ساعات أخرى مع وضع ثقل عليها ومع تغيير الشاشة كل فترة

الجبن النستو

ليترمن الحليب طازج
كوب خل
ضعي الحليب في قدر وارفعيه على النار حتى يغلي
ضعي كوب الخل حتلاقيه اتكتل تطفي النار
ضعيه في مصفاة فيها شاش ونتركه حوالي 5دقائق
ثم ضعيه في الخلاط ونضع عليه قليل من الماء ثم اصبع زبده ثم قشطة

اظن انها طرق سهله جدااااا للجبنه ومضمونه لأننا بنعملها فى البيت يارب تجربوها وتعجبكم [/b]

[اية]

[nazek19]

موضوع جميل
في طريقه اخرى لعمل الجبن بالبيت
ناخذ كميه من الحليب في حدود لترين
ونضيف لها ملعقه ( ملح الليمون ) او ممكن ملعقتين خل وشويه ملح ( ملعقة صغيره )
ونغلي على النار

بعد شوي بنلاحظ الحليب اصبح مثل الروب
ناخذه في قماشه نظيفه ونلف عليه ونعصره بشده
عشان نستخرج مائه
وبعدين
ونضعه في مشخال ونضع عليه صحن وثقل ويبقى عدة ساعات (ممكن ليله كامله )
بعدين نلاحظ انه صار مثل جبنة الحلوم متماسك
خلاص ناخذه ونقطعه وبالهناء
( للحفظ نضعه في مائه السابق مع اضافه الملح للماء حتى لا يتعرض للتلف السريع - ويحفظ في الثلاجة )