صفحه اشعااار للحسين اين الردود

[عمار الوائلي]

اللهم صلي على محمد والـــــــــــــــــــــــ محمد وعجل فرجهم والعن عدوهم

مشاء الله وتبارك الرحمن عليك يا ام علي احس من مقدمك باحساس الاشتياق للوطن لكربلاء للنجف لطيبه الموالين حفضك الله واهلك واطالبك عل من مزيد اجرك الله
واكون ممنون لو تخدميني بلطميه صارلي سنتين ما اذكر اسمها بس اتذكر مقطع يقول
(( من راح ابو السجاد صوب الشريعه راح ولكه العباس جفوفه كطيعه ))

[um ali]

عظم الله اجركم شيخ ¤¤ محذوف ¤¤

عظم الله الاجر للشيخ المحسن وجميع الاعضاء الموالين

معذرة ما عزيتكم من قبل لانشغالي البارحة واليوم واحس اني تعبانه

الله يقر اعيننا واعينكم بزيارة الحسين عليه السلام عاجلا غير اجل

[um ali]

تكرم عينك

للملا الكبير:باسم الكربلائي ولشاعرنا الكبير:جابر الكاظمي وهي بعنوان:طلعن خوات حسين

طلعن خوات احسين طلعن يسئلنا

وحدك اجيت لنا وين التكفلنا

عباس أخونا وين اشعندك خبر عنا

و يناشدأً منا وين التكفلنا

جاوبهن المظلوم

غاب القمر هاليوم

*****************************

من راح ابو السجاد صوب الشريعة

راح و لقا العباس جفوفه قطيعة (2)

للخيمة رد الردود نوح و فجيعة

تلقن بالصرخات ابنات الوديعة

لمخيمك رديت وحدك يوالينا

وين القمر وينا امنتظرة ظلينا

للخيمة وحدك جيت يالولي حاجينا

نار العطش بينا امنتظرة ظلينا

ناد ابقلب مهموم

غاب القمر هاليوم (2)


*****************************

صبط النبي من شاف حالة خواته

تتسافح من العين دمعة بناته (2)

جمعت عليه النوح كل نايباته

يتمنه صار الموت تخلص حياته

باب الخيم محتار يتأمل أطفاله

و يشاهد الحاله شي خبر إعياله

دلاله يلهب نار شي طف دلالة

و انقطعت آماله شي خبر إعياله

شينطي خبر و علوم

غاب القمر هاليوم (2)

*****************************

كل لحظة بالدمعات تقصد لطفلة

تنظر لعين بعين تبكي وتصدلة (2)

هالطفلة بالعبرات صارت تسئلة

يا بوية عمي وين مهمومه لجلة

شي يجاوب الأطفال باب الخيم لما

و اتجمعوا يمه محتار أبو اليمه

ساكت غدا ابهل حال ما تطلع الكلمة

زاد و كثر همه محتار أبو اليمة

وعلة الجفن مرسوم غاب القمر هاليوم (2)

*****************************


ساكت وقف محتار و عيون تدمع

طفلة و تريد جواب من عند تسمع (2)

حاير وقف شي قول يا كلمة تطلع

و يشاهد الرضعان بالدمعة ترضع

لن زينب تنادي حاجيني يبن أمي

يالزيدة حظمي همك مثل همي

شعندك خبر تخفي ادري القمر مرمي

جسمه وقع مدمي همك مثل همي

صاح اشيفيد اللوم

غاب القمر هاليوم(2)

*****************************
ناد بقلب محزون جمرات تلهف

يم النهر عباس عفت يا زينب (2)

طايح بلا جفين بالدم تخضب

سهم القدر بالعين طاح و تصوب

القيته على جرف الماي متوذر القيته

لمن تعنيته ياما ترجيته

ناديته قوم وياي يا خوي ناديته

بدموعي حاجيته ياما ترجيته

و جروحه تجري دموم

غاب القمر هاليوم (2)

*****************************
ودعت اخوي هناك و دموعي تجري

ظهري انكسر و مشيت ايدي على ظهري (2)

اتخط عالجمرات امشي على صبري

فوظت من فرقاك للباري امري

يا زينب و تدرين طبع الصبر بينا

بالرحمة بارينا هو الي يجازينا

و الواجب اتصبرين هالمحنة تكفيننا

متقدرة علينا هو الي يجازينا

و ابحكمة القيوم

غاب القمر هاليوم


واللهم صلي على الحكماء والطيبين وعجل فرجهم

[عمار الوائلي]

الله يحفضك ويباااااااااااااااااااااارك بك ويمدك بكل خير ويتعطف عليك بمحمد وال محمد
ثلاث رواديد هنا في لبنان ( عراقيين سالتهم عنها )) ولم يتذكروها

الى ان اتصلت بصديق لي رادود اسمه الملا حسين الزهيري ( في بغداد)) قلت له مولانه القصيد فاكرها قال ااااااااااااااي حلوه قرا بس المستهل وقال نسيت الباقي سبحان الله

الان ام علي اجادت بما لم يجد به الرواديد
اسأل الله ان يجعلك بكل حرف قصر في الجنه وان يقر عينك برؤيه سيدتي ومولاتي وحبيبتي وشفيعتي ونور عيني وسيده نساااااااااااء العالمين اجمعهم فاطمه الزهراء بابي وامي


الان اريد اعذبك معلش يا طيبه تحمليني اذا تعرفين رابط اللطميه بصوت الرادود الكبير باسم الكربلائي اكون ممنون وان ما عرفتي انه ممنون لك يا طيبه

[ميسلون]

تمشي اليك توسلا خطواتي.....واعدها اذ انها حسناتي
و وددت لو ان الطريق لكربلا......من مولدي سيرا لحين مماتي
لانادي في يوم الحساب مفاخرا.....افنيت في حب الحسين حياتي

[عمار الوائلي]

اللهم صل على الحكماء والطيبين اجميعن وعجل فرجهم والعن عدوهم

اهلا وسهلا بالاخت المحترمه ميسلون زيدينا بارك الله بك اين انتم يا اهل كربلاء اين انتم يا اهل الانوار الحسينيه
بارك الله بك اختي ويسر الله امرك وابعد عنك كل شرور بجاه العتره الطاهره
وايضا اقول

هل من مزيد

[um ali]

السلام عليكم

طلعن خوات حسين طلعن يسألنّ - باسم الكربلائي

نسالكم الدعاء

[امين العتابي]

اجرك الله اختنا الفاضلة ام علي على القصائد وللباقين من اخوتنا المشاركين ومن عائلة الحكمة وتقبلي مني هذه القصيدة اللطمية من مؤلفاتي

صدك ياخوي بعد متعود وايامك تواسيني
صدك يحسين يماي العين ماتكعد تحاجيني

صدك خوية بعدت عني وخليت الكلب ملجوم
صدك خوية العيال ايتام ومتشوفك ابد للدوم
صدك حل الفراك لحين بهاي الساعه هذا اليوم
والفركة كربت يحسين ما بينك وما بيني

حسبتك تظل وياي والخوتي توافيها
وما حسبت تفجعني ولا شمعتك تطفيها
وحسبتك تظل للدوم عيال النبي تحاميها
وما ظنيت ابد روحي مرار الفركة يجويها
ولا خليت جمر فركاك ياذيني ويجويني

خوية من كلت رايح خذت روحي وشراييني
خوية مودع بالله يلجفك ترويني
خوية من الخيم من راح ماضنيت يلفيني
شخصك يا رفيج الروح يادمعي وضوة عيني

يخوية من غرت علكوم ضنيتك تفدانا
وضنيت الكمر عباس نهض يسكي عطاشانا
وجني من شفت سيفك سيف المرتضى جانا
وبركاب الاعادي يصول ويحامي صواويني

ومن شفت السرج مكلوب وفرسك ينحب ويصهل
لطمت خدي وطشت بالبيد جني البلجرح مذهل
ومن شفت السهم ياخوي عرفت هالحين موتك هل
وناديتك يبن امي لونك عدل حاجيني
يخوية سهم المثلث ثلم كلبك و كطع كلبي
ويخوية الخيل من داست صحت الغوث ياربي
هذا حسين عالتربان احضر ياعلي بكربي... احضر ياعلي بكربي.
وصحت ياربي هلقربان ظنيته يواريني

ورفعوا بالرمح راسك جن الشمس رفعوها
ومن صاحت اجلاف الكوم للصيوان احركوها
طلعت ياخوية وي العيال وللنسوان فزعوها
كلت يازين عباد الله ماتطلع تدليني

لجن اعظم واشد واصعب من رادوا يودونا
لبن زياد للكوفة وعلهزل يركبونا
ولا خوة يراعونا ولا وليان يحدونا
يخوية منين اجيب الحيد يرجبني ويراعيني


خادم اهل البيت(ع)
امين العتابي
24/1/ 2009 م
28 محرم /1430 هـ

[ميسلون]

يا أهل يثرب لا مقام لكم بها *** قتل الحســين فادمعي مدرارا
الجسم منه بكربلاء مضـرج *** والرأس منه على القناة يدار



وايضا

ياحسين بظمائرنا واحنه بيك آمنه ....لا صيحه عواطف هاي
لادعوه ومجرد راي.....هاذي من مبادئنه
صحنه بيك آمنه ..