هل سيتم بيع الشركة

[سيرينا]

مسا الخير

عندي سؤال ساعي "هل سيتم بيع الشركة للشركة التي قدمت العرض"، الموضوع انو الشركة الي بشتغل فيها بحاجة لزيادة رأس مال الشركة بحسب طلب الجهة الرقابية الي الشركة تابعة إلها، أصحاب الشركة مو قادرين يزيدوا رأس المال، دوروا على مستثميرن، صار عندهم 3 خيارات اما بتنباع الشركة او بتتصفى او بدخلوا مستثمرين كشركاء للشركة.

في شركة قدمت عرض لحتى تشتري الشركة الي انا بشتغل فيها، الي قدموا العرض معروفين بالسوق انهم ناس سيئيين جدا فهل رح تنباع الشركة إلهم ؟

توقيت السؤال 12:01 اليوم 27/11/2023 عمان الأردن،، (ما عنا توقيت شتوي بالاردن ، فرق التوقيت +3 عن غرينيتش)

صديقتي رح ترسل التبرع حاليا وشكرا

[اية]

صباحكم نور

مساعدة مني بوضع خريطة السماء لساعة السؤال الساعي للأخت الكريمة...

الساعة 12:01 ظهرا / البلد عمان الاردن/ 27/11/2023

[ابو شمس المحسن]

سلام ومحبة
شكرا اختي اية على تصوير الهيئة.

الاخت سيرينا ، هل السؤال سألته صديقتك وهي تعمل بالشركة فقط وليست شريكة فيها ؟
ام انت سألت عنها ؟
واهلا بك

[سيرينا]

انا سالت السؤال وانا الي بشتغل بالشركة
بس صاحبتي الي دفعت للسؤال الساعي لانو ما عندي باي بال

بس بدي اضيف معلومة الان عرفتها
انو الشركة جايها عرض سعر من شركتين مو من شركة وحدة شركة منيحة وشركة سيئة

وانا ما كنت اعرف عن الشركة المنيحة ، وكنت اسأل عن الشركة السيئة اذا رح تشتري الشركة الي انا بشتغل فيها
هل هاد الشي باثر على السؤال ؟

[ابو شمس المحسن]

سلام ومحبة لك
بالنسبة لك كزحل هنا فقد تحسن عن حاله السابق الذي كان متراجعا لكنه اضاف عليك خوفا وقلقا كونه دخل على برج الحوت .
وانت هنا في طور انتقال او لنقل تغيير واضح .
نجد الزهرة صاحبة الثامن في الثامن هذا يعني اموال الاخرين وفيرة لأتمام ما يريدون .
مهنتك وعملك له المريخ وهنا نجد دلالة ضعيفة للانتقال او البيع
لكن بما انه الشركة ملكا لرؤسائك فهم العاشر وسابعهم الشركة
وهنا نجد الزهرة مهيأ للبيع لكن الاختلاف ينتج من السعر .
اعتقد انه يمكن بيع الشركة وان حدثت عرقلة في السعر .
لا اقول ان هذه الهيئة سهلة بل صعبة جدا لان الاتصالات غير قوية كما انها سؤال عن شركة يمتلكها غيرك .
لكن البيع امر وارد وان حدث اخذ وعطاء في السعر .
واهلا بك

[سيرينا]

صباح الخير
الاستاذ ابو شمس المحسن حابة احكيلك انو الشركة انباعت للناس الي حكولنا انهم سيئين
بس اتضح انهم ناس جدا محترمين ومناح بس الناس كانت تذم فيهم ما بعرف ليه

[ابو شمس المحسن]

سلام ومحبة لك اختي الكريمة
شكرا لتحديث الصفحة .
عادة الذم ينتج من الاضداد فينتشر .
اتمنى لك حظا طيبا