لتفعل وتنشيط العضوية اضغط هنا !!!
طريقة الكشرى المصرى مافيش حد ينزل مصر إلا لازم يروح محل كشرى وعندنا محلات مشهورة جداااااااا فى عمل الكشرى معرفش فى الدول العربية عندهم الطبق دة ولا لا بس ياااااريت تجربوة بجد هيعجبكم جدااااااااا
الطريقة طبعاُ انا وخداها كوبى من عالنت بس كملت من عندى
1 كوب عدس بجبة (العدس أبو قشرة سوداء )
2 كوب أرز
1 كوب مكرونة صغيرة
نصف كوب شعرية
نصف كوب حمص شامي
4 بصلة كبيرة
لعمل الصلصة
2 كوب عصير طماطم
1 ملعقة صلصة طماطم
3 فصوص ثوم مدقوقين
خل و ملح و كمون
حبة طماطم متوسطة
زيت ذرة
انا هكمل الطريقة من عندى تقدروا تغيروا من المقادير براحتكم المهم الأفضل نبدأ بعمل البصل يتقطع شرائح رفيعة جدااااااااااا على اد ما تقدروا يعنى ويتحمر فى الزيت لحد ما يحمر وبعدين صفوا الزيت واتركوه على جنب عشان هنحتاجة والبصل افرشوة على طبق علشان ما يلصقش.بعدين الرز بعد ما يتنقى طبعاً ويتغسل وينشف هههههه يطبخ عادى رز ابيض يعنى فى مقدار زيت بسيط ونضع علية المية ونسيبه لحد ما يستوى .ونتركة على جنب بعدين العدس ابو جبة طبعاُ بيتنقى برضو ويتغسل وبعدين يوضع فى مقدار مية مغلية مناسبة لحد مايستوى وبعدين نسيبة على جنب برضو . الشعيرية نحمر الشعرية في القليل من الزيت ثم نضيف لها القليل من الماء الساخن و نغطيها و نملحلها و نطبخها مثل الأرزحمص الشام الأفضل الحمص يكون منقوع حوالى ساعتين وبعدين نسلق الحمص في ماء مملح و نصفيه من الماء وممكن لو عوزين شوربة الحمص ودة بتبقى تحفة ضيفى بصل وطماطم على المية هتبقى شوربة .
بعدين المكرونة طبعاً تتسلق عادى وبعد ما تتصفى هنقلبها فى قليل من الزيت بتاع البصل اللى قلتلكم هنحتاجة .
المهم كدة عندنا مكرونة جاهزة والرز والشعرية والعدس والحمص .نعمل الصلصة
لتحضير الصلصة : ناخد الجزء الأكبر من الثوم المدقوق و نقلبه في القليل من الزيت إلى أن يصفر لونه ثم نضيف عصير الطماطم و ندعها حتى تتسبك ( أي ينشف منها الماء ) .
- نضيف لها الصلصة و الخل و الملح و الكمون و نقلبهم , ثم نضيف لها ماء حتى يصبح قوامها متوسط مثل الصوص ( لا غليظة و لا خفيفة ) و نطفي عليها النار لما تغلي.
فية حاجة كمان اسمها دقة
- لتحضير سلطة الدقة ا خل و ملح و كمون و بقية الثوم المدقوق و ماء و شطة حمراء مطحونة ودة اهم حاااااااااااجة فى الكشرى فية ناس مش بيأكلوة إلا مشطشط (شطة كتيرررررة )
المهم كدة خلصت المكونات نحضر الطبق ونضع الرز وبعدين المكرونة وبعدين العدس وبعدين الشعيرية وبعدين الصلصة وبعدين حمص الشام وفى الأخر البصل المحمر وممكن الصلصة توضع فى طبق منفصل ومعاها طبق الدقة
وبالهنا والشفا انتم ممكن تستصعبوا الطريقة بس كل المكونات دة تقدروا تعملوها بسهولة .
دة الكشرى معاه طبق الصلصة والدقة
